Polis idarələrinin
müvəqqəti saxlama təcridxanalarında (MST) və polis bölmələrinin
müvəqqəti saxlama yerlərində saxlanılan şəxslərin şəraitini, eyni
zamanda, onlara qarşı qanunazidd rəftara, şəxsiyyəti alçaldan
hərəkətlərə yol verilib-verilməməsi, tutulub saxlanılarkən Azərbaycan
Respublikasının Cinayət Prosessual qanunvericiliyinin tələblərinə
riayət olunması vəziyyətini yoxlamaq məqsədilə Azərbaycan
Respublikasının İnsan Hüquqları üzrə Müvəkkili Aparatının Çevik
Araşdırma Qrupu mütəmadi olaraq baxışları davam etdirir.
Ombudsman Elmira Süleymanovanın tapşırığına əsasən,
Qaradağ Rayon Polis İdarəsinin (RPİ) 10 və 38-ci, Binəqədi RPİ-nin 4 və
40-cı, Yasamal RPİ-nin 29-cu, Suraxanı RPİ-nin 31 və 33-cü, Xətai
RPİ-nin 37-ci, Sabunçu RPİ-nin 14 və 15-ci, Əzizbəyov RPİ-nin 2-ci,
Sumqayıt Şəhər Polis İdarəsinin 1, 2, 3 və 4-cü polis bölmələrinin
növbətçi hissələri yanında saxlama yerlərinə, həmçinin Xətai RPİ və
Abşeron RPŞ-nin MST-lərinə baxış keçirilmişdir.
Müvəkkilin nümayəndələri saxlanılan şəxslərin
qeydiyyatı kitabları, həmçinin saxlanılmanın qanuniliyinə dair müvafiq
sənədlərlə tanış olmuşlar. Saxlanılanlarla təkbətək söhbət
aparılmışdır.
Baxış zamanı Abşeron RPŞ-də vətəndaşların saxlanması
ilə əlaqədar bəzi qanunsuzluqlar aşkar edilmişdir. Ombudsman bu
məsələnin araşdırılması və tədbir görülməsi ilə bağlı Daxili İşlər
Nazirliyinə müraciət etmişdir.
|
