Azərbaycan Respublikasının İnsan Hüquqları üzrə Müvəkkili

» Xəbərlər


03/03/15Ombudsmanın nümayəndəsi dövlət qulluğçuları üçün həyata keçirilən təlim-treninqdə çıxış edib

Bu günlərdə Beynəlxalq Miqrasiya Təşkilatının Azərbaycandakı Nümayəndəliyinin təşkilatçılığı ilə Azərbaycan Respublikası Dövlət İdarəçilik Akademiyasında yerli icra hakimiyyəti orqanlarının əməkdaşları üçün təlim kursu həyata keçirilir. Təlim kursunun məqsədi insan alveri probleminin yerlərdə sosial-psixoloji aspektlərinin öyrənilməsi, bu vəziyyəti yaradan səbəblərin müəyyənləşdirilməsi və aradan qaldırılması üzrə peşəkarlığının artırılmasından ibarətdir.  

03/03/15Ombudsman təsisatı ilə YUNİSEF arasında 2015-ci il üzrə əməkdaşlığa dair ikitərəfli müqavilə imzalanmışdır

Azərbaycan Respublikasının İnsan Hüquqları üzrə Müvəkkili Elmira Süleymanova YUNİSEF-in ölkəmizdəki nümayəndəliyinin rəhbəri Andro Şilakadzeni  qəbul etmişdir.  Görüşdə bu qurumun rəhbərinin müavini xanım Nafisa Binte Shafiqi və məsul əməkdaşı Ramiz Behbudov da iştirak etmişlər.  

27/02/15BDU-nun bir qrup magistrantının Ombudsman Aparatında təcrübəsi başa çatmışdır

İnsan hüquqlarının müdafiəsi və həyata keçirilməsi ilə yanaşı, bu sahədə kadrların hazırlanması, hüquqşünas tələbə və magistrantların səmərəli istehsalat, elmi-tədqiqat təcrübəsi keçməsi Azərbaycan Respublikasının İnsan Hüquqları üzrə Müvəkkilinin   diqqət yetirdiyi məsələlərdəndir.  

26/02/15Ombudsman Xocalı faciəsinin 23-cü ildönümünə həsr edilmiş silsilə tədbirlər keçirmişdir

Azərbaycan Respublikasının İnsan Hüquqları üzrə Müvəkkili Elmira Süleymanova regionlarda, icmalarda, həmçinin dövlət qurumları, QHT-lər, vətəndaş cəmiyyətinin nümayəndələri, gənclər təşkilatları, bələdiyyə üzvləri, kənd ziyalıları ilə  birgə Xocalı faciəsinin 23-cü ildönümünə həsr edilmiş silsilə tədbirlər, dəyirmi masa və seminarlar keçirmişdir. Ombudsmanın Gəncə, Şəki, Quba və Cəlilabad regional mərkəzlərinin nümayəndələrinin bu istiqamətdə fəaliyyəti də qeyd olunmalıdır. Cəlilabad  Regional Mərkəzi Cəlilabad Rayon Təhsil Şöbəsi ilə birgə  rayonun Heydər Əliyev Mərkəzində, həmçinin şəhər 2, 4 və 8 saylı tam orta məktəblərində “Xocalıya ədalət  mövzusunda  tədbirlər keçirmişlər. Keçirilən mərasimlərdə faciə qurbanlarının xatirəsi bir dəqiqəlik sükutla yad edilmişdir.

26/02/15E.Süleymanova Avropa İttifaqının İnsan hüquqları üzrə xüsusi nümayəndəsinin rəhbərlik etdiyi nümayəndə heyətini qəbul etmişdir

Azərbaycan Respublikasının İnsan Hüquqları üzrə Müvəkkili Elmira Süleymanova ölkəmizdə səfərdə olan Avropa İttifaqının (Aİ) İnsan hüquqları üzrə xüsusi nümayəndəsi cənab Stavros Lambrinidisin rəhbərlik etdiyi nümayəndə heyətini qəbul etmişdir. Ölkəmizin bir sıra beynəlxalq konvensiyalara qoşulması, insan hüquqları sahəsində müvafiq qanunvericiliyin beynəlxalq hüquqi aktlara uyğunlaşdırılması, Ombudsman təsisatının  insan hüquqlarının müdafiəsi sahəsində çoxşaxəli fəaliyyəti, dövlət qurumları və QHT-lərlə yanaşı, nüfuzlu beynəlxalq təşkilatlarla sıx əməkdaşlıq şəraitində səmərəli çalışması diqqətə çatdırılmışdır.

25/02/15Ombudsmanın regional mərkəzləri əhali arasında maarifləndirmə fəaliyyətini genişləndirir

Xəbər verildiyi kimi, Azərbaycan Respublikasının İnsan Hüquqları üzrə Müvəkkilinin  regional mərkəzləri Xocalı soyqırımının 23-cü ildönümü ilə əlaqədar maarifləndirmə tədbirlərini davam etdirmişdir.  Ombudsmanın Quba Regional Mərkəzində rayon ziyalılarının, bələdiyyə nümayəndələrinin  və gənclərin iştirakı ilə  keçirilmiş tədbir bu qəbildən olmuşdur.  

25/02/15Ombudsman 2014-cü il üzrə illik məruzəsini təqdim etmişdir

“Azərbaycan Respublikasının İnsan Hüquqları üzrə Müvəkkili (Ombudsman) haqqında” Azərbaycan Respublikası Konstitusiya Qanununun 14-cü maddəsinə əsasən, Ombudsmanın  illik məruzəsi cari il bitdikdən sonra iki aydan gec olmayaraq, Azərbaycan Respublikasının Prezidentinə təqdim edilməli, Milli Məclisə, Nazirlər Kabinetinə, Konstitusiya Məhkəməsinə, Ali Məhkəməyə və Baş prokurora göndərilməlidir.  

24/02/15Ombudsman “Əlilliyi olan şəxslərin hüquqlarının müdafiəsi biznes və insan hüquqları kontekstində” mövzusunda dəyirmi masa keçirmişdir

Azərbaycan Respublikasının İnsan Hüquqları üzrə Müvəkkili yanında “Biznes və insan hüquqları” üzrə İşçi Qrupun növbəti toplantısı keçirilmişdir. Əlilliyi olan şəxslərin hüquqlarının müdafiəsi Biznes və insan hüquqları kontekstində” mövzusuna həsr olunmuş tədbirdə BMT-nin İnsan Hüquqları üzrə Ali Komissarlığının Cənubi Qafqazdakı ofisinin insan hüquqları üzrə baş müşaviri Vladimir Şkolnikov, bu nüfuzlu qurumun ölkə nümayəndəliyinin rəhbəri Kamran Bağırov, Milli Məclisin deputatı, Sosial siyasət komitəsinin üzvü İlham Məmmədov, habelə aidiyyəti dövlət qurumlarından və QHT nümayəndələrindən ibarət tərkibdə Qrup üzvləri, KİV nümayəndələri iştirak etmişlər.  

» Yeni bülletenlər

14/04/14MPQ-nin rəhbəri Vyanada beynəlxalq iclasda iştirak etmişdir

Bu günlərdə Avstriyanın paytaxtı Vyana şəhərində ATƏT-in Demokratik Təsisatlar və İnsan Hüquqları Bürosunun (DTİHB) təşkilatçılığı ilə İşgəncələrin qarşısının alınmasında İnsan ölçüsünə dair əlavə iclas keçirilmişdir.  

02/04/14Ombudsmanın nümayəndələri Strasburqda “İnsan Hüquqları üzrə Milli Fəaliyyət Planlarının inkişafı və implementasiyası” mövzusunda seminarda iştirak etmişlər

Avropa Şurasının İnsan Hüquqları üzrə Komissarlığı tərəfindən 2014-cü il 27-28 mart tarixlərində Strasburq şəhərində “İnsan Hüquqları üzrə Milli Fəaliyyət Planlarının (MFP) inkişafı və implementasiyası” mövzusunda təlim–seminar təşkil olunmuşdur.

10/04/14Ombudsman Aparatının əməkdaşları 3 saylı istintaq təcridxanasında araşdırma aparmışlar

Azərbaycan Respublikasının İnsan Hüquqları üzrə Müvəkkili Aparatının əməkdaşları müraciətlərin araşdırılması, eyni zamanda Ombudsmanın nümayəndələri tərəfindən qəbul edilmələrini xahiş etmiş şəxslərlə görüşmək məqsədilə Ədliyyə Nazirliyi Penitensiar Xidmətinin 3 saylı istintaq təcridxanasında olmuşlar.  

04/11/13Penitensiar Xidmətin İxtisaslaşmış Müalicə Müəssisəsinə başçəkmə həyata keçirilmişdir

 

Ombudsmanın İşgəncələrin qarşısının alınması üzrə Milli Preventiv Qrupunun (MPQ) üzvləri mütəmadi başçəkmələri davam etdirir. Bu günlərdə MPQ-nin həkim üzvünün də iştirakı ilə Ədliyyə Nazirliyi Penitensiar Xidmətinin İxtisaslaşmış Müalicə Müəssisəsinə planlı uzunmüddətli başçəkmə həyata keçirilmişdir.

 

01/11/13Ombudsman Aparatında Moldova Parlament Vəkili Aurelia Qriqoriu ilə görüş keçirilmişdir

 

Azərbaycan Respublikasının İnsan Hüquqları üzrə Müvəkkili Aparatında  ölkəmizdə səfərdə olan, Bakıda keçirilən  III Beynəlxalq Humanitar Forumuna qatılmış  Moldova Parlament Vəkili Aurelia Qriqoriu ilə görüş keçirilmişdir. Görüşdə ölkəmizin Moldova Respublikasındakı səfiri Namiq Əliyev  iştirak etmişdir.